尋日深水埗學生被青年關愛協會大媽老屈偷野嘅案件，令我回憶起2013年嘅一件事…
唔知大家記唔記得，當年嘅尖沙咀天星碼頭，內內外外每一處都滿佈青關會嘅banner？
年少輕狂嘅我忽發奇想，如果第二朝早香港人去天星碼頭，發現冇曬青關會嘅banner，感覺係咪會好清新呢？係咪會為香港人帶來一刻嘅快慰呢？
然後我就有光復天星碼頭嘅諗法！經過兩日嘅部署，終於搵齊兄弟！
半夜三點，我哋三架私家車一行十幾人，帶曬工具，木梯、較剪、界刀等等… 希望用最快時間將所有banner拆落嚟。
我哋當然有研究過、考慮過法律責任啦！所以大家係準備蒙面進行嘅！作為蒙面歌手經理人嘅我，當年要蒙面進行呢件事，實在係有D心理壓力... 萬一俾人拉左，傳媒又唔知點玩我蒙面呢件事啦...
點知我哋開車去到天星碼頭，嗰度停咗兩架警車，我哋計算過，就算我哋超快手只係用十分鐘嚟拆過二百條banner，都唔會快得過警察拉人… 因為警車實在太近啦！基本上佢地落車行20步就拉得我地... 作為貪生怕死嘅香港人，我地放棄左呢個自殺式行動... 😅
然後我哋去左紅磡火車站，後來發生乜事就唔講喇！
為左社會關注呢件事，我就拍咗呢條片，記住個bannet我係執番嚟嘅！
估唔到青年關愛協會對香港嘅禍害至今未完！
無論食環署、警察，香港政府，都係繼續放生佢哋！
呢個對我黎講唔係政治問題，我講過，唔再講政治。
呢個係民生問題！一個協會可以周圍掛banner完全無人奈得佢何，而任何一個市民走去拆左佢都有權被告刑事毀壞，到底法律保護緊乜野人？
我強調呢個係民生問題！我講過我唔再講政治！
Search